ගී පද
වැඩ කරලා ඉවර නොමැත දෙවියනේ
මොකටද මා දුප්පත් වී ඉපදුනේ
වැරදුනාම කෝටු පාර වදිනවා
බඩු කැඩුනොත් පඩියෙන් අඩු කරනවා
වැඩ කරලා ඉවර නොමැත දෙවියනේ
දන්නෙ කවුද තමන්ගෙ දුක මිස තමන්
කන්න බොන්නෙ වැඩකට යන එන ගමන්//
වෙහෙස වෙලා රැ දොළහට ඇලවුනා
උදේ පහට ආයෙත් මා පිබිදුනා
වැඩ කරලා ඉවර නොමැත දෙවියනේ...
සැපට හදයි බලු පැටියෙක් හරි සැරයි
නෝනා ඌට මාට වැඩියෙන් ආදරෙයි//
ඇස් රතු වී දුක් කඳුළක් බේරුනා
රස්සාවේ හැටි දැන් මට තේරුනා
වැඩ කරලා ඉවර නොමැත දෙවියනේ...