ගී පද
වසන්තේ නිදා වුන් යොවුන් කෝකිලාවන්
ගයන්නේ සුපෙම් ගීත හේමන්තයේදී
වසන්තේ ලපැල්ලෙන් වැසී උන් කුසුම් දැල්
නටන්නේ පිපී දැන් හේමන්තයේදී......
විලාපෙන් විඩාවී රැඳී මං තලාවේ
වැසී අන්ධකාරෙන් වැටී මං‘ මුලාවෙන්
වලාවක් ලෙසින් මා ඇදෙද්දී අයාලේ
ඔබෙන් නෙත් ලැබුවේ හේමන්තයේදී......
සුසුම්ලා දිවා රෑ වෙලී හුදකලාවේ
එපා වී සියලුලෙන් පලා ආ වෙලාවේ
තුෂාරෙන් උදාවූ සඳක් සේ නිෂාවේ
ඔබයි නෙත් සැදුවේ හේමන්තයේදී.......