ගී පද
තරු වියනට යටින් පිපෙන
සීතල පිනිවලට තෙමෙන
සේපාලිකා මලක සුවද
කවි සිතකට මනරම්
මහපොලොවට දිය නොදුන්න
රලු අහසත් පිනි කදුලත්
අප්පච්චිට සරදම්
අරුණලු ගෙනෙන හිරුට
සිතිජය සිබින හිරුට
ලියනා කවි සිතිවිලි මොකටද මන්දා
අප්පච්චිගේ හිත පුච්චන
දුප්පත් අපට උරුම
නියගෙට සෙත් කවි නෑ ලියලා
ජීවන ගමන සදන
කටු අග මල් පුබුදන
කාටත් දුක නැතිවට මට දුක හින්දා
අප්පච්චිගේ හිත සනසන
මේ ගී මල් හසරැලි
ඉමිහිරි සෙත් කවියක් වේවා