ගී පද
තරහින් අහක බලා ඔබ නොදොඩා යනවා
හෙට දවසේ යලි හමුවී ඔබ මා සනසනවා
දෙනුවන් කැල්ම හෙලා ඔබ හිනැහී දොඩනා
ඒ වදනේ මා බැඳිලා තව ආදරේ වෙනවා
පෙම් හසරැල් සඟවන් මුහුණේ
නැගෙනා මොහොතේ ඔබගේ
මා සැනසුම් සුසුමන් හෙලුවා
ඔබ හා බැඳිලා රහසේ
ඩිංගක් විහිළු කලා
ඇයි මේ තරහ වෙලා
තරහින් අහක බලා
ළං වුනොතින් මොහොතක් ඔබගේ
සුවඳේ රැඳිලා මසිතේ
දුක් වියවුල් නිවෙමින් දැනුණා
සහනේ ඔබගේ සෙනෙහේ
ඩිංගක් විහිළු කලා
ඇයි මේ තරහ වෙලා
තරහින් අහක බලා