ගී පද
සිහිනයට තරම් තටු නෑ මට නම්
පියඹන්න අරන් නුඹ අහසේ
ආදරය තරම් සියුමැලි මනරම් සිහිනයක් තියේවිද ලොකේ
කදු හිස් මුදුන් කර තරු ලකුණු වැටෙනා අතර
සිත නුඹව සොයා වළා බැම්මෙන් ඉගිල යයි ලොව නිදනා අතර
සයුරක් වී වැතිර නුඹ සරලි නගනා අතර
කිරිසිනා ගඟත් මියුරු ලෝකෙන් අරන් යයි
ඉන්නවාද ඇහැර
සිහිනයට තරම්
කදුලක් ළඟට දුර තව දුරස් කලේ නුඹය
වැහි ඇල්ලක් වගේ සොදුරු සිහිලක් ගෙනා මට
ජීවිතයේ කතර
සෙනෙහස් සිහින මල් හැම සැබෑ කෙරු සසර
නුඹ සදකි රුවන් කුමුදු යායක් පුබුදු කර
මා හද කල සුවද
සිහිනයට තරම්