ගී පද
සීගිරි ළඳකගෙ පුළුලුකුලේ රැදි නෙරිය ලතාවයි
තිසා වැවේ නැටු චංචල රේඛා තරඟ ලතාවයි
සඳකඩ පහනේ මුදු රැළි අතරේ තිසර ලතාවයි
සුසිනිඳු කළු ගල් කුළුණු හිසේ දිසි ලලිත ලතාවයි
තල්පත් අතරේ පන්හිඳ තුඩඟින්
නව නළු රස ගංගා ගලලා
ගල් කටු පහරින් කළු ගල මත්තේ
කෝමළ රේඛාවන් නැගිලා
ගුවන් කුසේ සිට සුරවමියන් දුන්
සුමුදු සිනා පොද ඇද හැලිලා
යුගයෙන් යුගයට අසිරිය පවසයි
හෙළ විරුදා ගී පොත පෙරළා