ගී පද
සඳ කිරණින් පහස ලබා පුබුදින කුමුදු
මවකගෙ උණුසුම ලබමින් තුරුලෙ වෙසෙන පුතු
අනාගතය දෙස එබිකම් කරල බලන පුතු
ඔබෙ දෑතට මසුරන් වැහි වහිනවාලු පුතු
සඳ කිරණින් පහස ලබා පුබුදින කුමුදු
සිතට සිතයි එක මනසයි ලබා උපන් පුතු
රන් කිරි කට ගෑ දවසෙදි හිනා උනා පුතු
තුන්ලෝකෙම එකම පුතා ඔබයැයි මට සිතු
සිහල රටෙ සිහල බිමේ රජ කරපන් පුතු
පෙර කාලෙක බුදු වරයෙක් පහල වීය පුතු
ඒ දෙසු ධර්මය තවමත් පවතිනවා පුතු
එයයි ඔබේ ආගම රැක ගන්නට දිනු පුතු
ජාතිය නොමගට යා නොදි රැකගන් මා පුතු