ගී පද
පස්මහ බැලුම් හෙළමින් නිසි කාලයට
පින්වත් මව් කුසක් ලැබ පිළිසිඳ සොඳට
මනරම් ලුම්බිණිය සිරියෙන් එකලු කොට
කුමරුන් උපන්නා වෙසඟේ සිරිය මැද
තුන්කල් මාළිඟා රජ සැප විඳ හිඳිමින්
ප්රේමෙන් බැදී බිම්බා දේවිය සමඟින්
නහවා කිඹුල්වත් පුර වැසියන් සතුටින්
කුමරුන් වැජඹුණා කිත්ගොස පතුරවමින්
කාලය අැවෑමෙන් ඔහු දෛවය පැමිණ
සතර පෙර නිමිති දැක සිත කලකිරුණ
නේරංජනා ගං තීරෙන් එතෙර උණ
අභිනික්මන් කළේ මඟ සෙව්මට නිවණ
හිමිගිය මගේ දුක් කරදර බොහෝ විය
අවසානයේ ඔහු සෙව්මඟ විවර විය
අළුයම් යාමයේ තුන් නැණ පහළ විය
කෙලෙසුන් නසා දෙව් නඳ මැද බුදු වීය
තුන් ලෝ සතුන් අමදම් කිරණින් නහවා
කරුණා නෙත් යොමා සැම වෙත මෙත් වැඩුවා
කෙළවර සසර නිවනට මඟ පෑදූවා
හිමි සඳ සැතපුණා මුළු ලොව කම්පා කරවා