ගී පද
නිල් අහස් ගැබෙන් රන්ඉර මල දිලිසෙනා පැයේ
වැහි වළාකුලක් ඇවිදින් සඳ බොඳ ලා රැයේ
ඔබ සැඟවිලාම යන්න ගියා හීනයක් වගේ
මට ඉතිරි කලේ කඳුල ආදරේ //
ආදරේ .... ආදරේ .... රත්තරන් ආදරේ
මට ඉතිරි කලේ කඳුල ආදරේ //
රන් පියුම් විලට පියාසලන හංසියක් වගේ
මගේ ජීවිතයම කවියක් කර නැවතුනා හදේ //
ඒ කවි සිත දුක්බර කඳුලින් පුරවනා මෙසේ
ඔබ ගියේ කිමද අදහනු බෑ හීනයක් වගේ
ආදරේ .... ආදරේ .... රත්තරන් ආදරේ
මට අදහනු බෑ හීනයක් වගේ //
තව්තිසා ලොවින් හෙමින් බසින දෙව්ලියක වගේ
හද විමානයේ පහනක් වී බැබලුනා රැයේ //
හැමදාම තුරුලේ නැලවු ඔබ සෙමින් සීරුවේ
ඒ විමනම කළුවර කරගෙන සැඟවිලා ගියේ
නිල් අහස් ගැබෙන් ....