ගී පද
නෙතින් රශ්මි විදහා
සඳ කැළුම් නෙතඟ දවටා
සුර ලොවින් පැමිණි නුඹ සදවතියේ
මා සනසනු මැන සැමදා
නිල් නුවන් ඔබේ කළඹා
මදහසින් මුවඟ සරසා
නිල් අහස් ගැබින්
මා කැඳවාගෙන යනු සුරලොව වෙත ඔබලා
නෙතු වැසුනු රාත්රියේ සැලුණු මා හදේ
දෙව්ලියන් රඟදෙනා
ඒ සසල තුරු වියන් සැලෙන මදනලින්
නෙත් පියන් ලංකළා //
සිහිනයේ
සුදු වලාපෙලක නැඟිලා
රන් රුවන් මැදුරු තනලා
ඒ සුපෙම් ලොවේ සඳවතිය වෙලා
මට දෙන්න එළිය සැමදා
මගෙ නෙතට කඳුළු අතුරා
මගෙ සිතට සුසුම් අහුරා
ඒ නිසල ලොවේ මා තනිකරදා
ඔබ යන්න එපා කිසිදා
තරු සේ දිලි දිලී
සඳු සේ කැලුම් දී
හිදිනා ජීවිතේ සිහිනයේ
හිදිනා ජීවිතේ සිහිනයේ //
නෙතු වැසුනු ....
නෙතින් රශ්මි ....