ගී පද
මුතු මැණික් එපා දියමන්ති එපා ඔබ මා ළඟ ඇතොත් ළදේ
තරු මිණත් එපා හිරු සඳුත් එපා ඔබ මා ළඟ නැතොත් ළදේ
බොරු කියන්නෙපා බොරු කියන්නෙපා උපමා තව පලක් නැතේ
හිත් දෙකක් කපා වෙන් කරන්න බෑ විශ්වාසය ඇතොත් සිතේ
හිරු හා නෙළුම් ඇත බැඳී - පිණි හා අරුණ සුව විඳී
මතු දා දිළිඳු පැළකදී - නැවතී ඉන්න සෙවණ දී
සිත හා සිතන සිතුවිලි - සරසා සදන සැණකෙළි
දෙනෙතේ නැගෙන කඳුළැලි - පිසදා මවනු සැණකෙළි
මුතු මැණික් එපා....
ඔබ මා ළඟම ගැවසිලා - මවනා සතුට උතුරලා
ගංගා විලස ගල ගලා - යන්නා සයුර වෙත බලා
සයුරේ වෙරළ අසලදී - බැඳිලා මුවට මුහුණ දී
මුසු වී ඉන්න හිත දිදී - එනවා ළඟම දිනකදී
මුතු මැණික් එපා....