ගී පද
මිලාන මලකි බඹරුනි මා
මා මිලාන මලකි
නමුදු බඹර ඔබෙ පහසින් නැවතත්
විකසිත විය හැකි වේ
මිලාන බව ඔබ දනිමිය කුසුමේ
පිබිදෙනු පෙති විදහා
යළි නැවතත් පර නොවනා විලසින්
සුරකිමි ඔබ සැමදා
මලින් මලට යන අන් බඹරුන් ලෙස
නොයමිය කුසුමේ - මා ඔබ තනි කොට
වෙන මල් වෙත පියඹා
ලොව අන් සැම මල් පතනා විලසින්
දුටු අන් බඹරුන් වෙත රොන් නොපුදා
සිටිනෙමි ඔබව පතා
පෙම් ලොව අබිසෙස් ලද පෙම් කුමරිය
මා හද සනසා පිබිදෙනු මැන යළි
දසත සුවඳ පතුරා
මා හද විකසිත කළ පෙම් බඹරුනි
රැජිණිය වෙමි ඔබෙ - පෙම් ලොව තුළ යළි
මා දිවි තිබෙන තුරා