ගී පද
මා සිත හඩනා අයුරු බලා
සඳ තරු වැලපෙයි රෑ පුරා
ඔබ නෙත් ලඟ මා කීව කතා
සිහිවෙයි මතකය දෝරෙ ගලා
සොඳුරියෙ ඔබෙ සිත බොලඳ වෙලා
වෙනතක පැටලී මටත් හොරා
ඔබ පිරු පෙරුමන් රෑ දිවා
හදවත පාරයි වේදනා....
හසරැල් දෙන්නී පැතුමන් දෙන්නී මායවේ මා සතපන්නී
කඳුලැල් දෙන්නී සුසුමන් දෙන්නී මායවේ මා විඳවන්නී...
ඔබ මාගෙ ජීවේ සතුටයි කියා
මා හද කියන්නේ සෙනෙහස නිසා
ඔබ දුන්නු කඳුලැල් මේ වේදනා
ඔබ හට නොවේවා මතු දා සදා...
භවයෙන් භවේ හමුවී මෙසේ
මා සිත රිදවා සමුගන්න ඇතී
මතු සංසාරේ හමුනොමවේවා
රිදවා සමුගන්න ආයෙ මෙසේ...
මා ලඟ සැරිසරනා වාරේ
සඟවමි දුක කඳුලක් ගානේ
ඔබ හට වේවා සැනසුම් සුසුම්
ආයෙත් නෑ හදවත මානේ
සමුදෙමි මා මොහොතක් ගානේ
හදවත සුසුමන් බිඳ දා සදා....