ගී පද
කුරුල්ලනේ පැණි කුරුල්ලනේ
පාට පාට පැණි කුරුල්ලනේ
මටත් ඔබ වගේ ඉගිල්ලිලා
යන්නට ආසයි කුරුල්ලනේ//
කුරුල්ලනේ පැණි කුරුල්ලනේ...
රුවන් තාරකා මැදින් පියාඹා
සඳුන් සමීරේ පාවීලා//
සුරංගනාවන් දකින්න යන්නම්
සඳෙන් එහා දිලෙන ලෝකේ...
කුරුල්ලනේ පැණි කුරුල්ලනේ...
නැවුම් පැතුම් පිරි හැඟුම් මවාලා
කොහෙන්ද ආරාධනා ගලයි//
සිතුම් සැඳැල්ලේ බිගුන් කියන්නේ
ඒ රහසද මාගේ සුහදේ...
කුරුල්ලනේ පැණි කුරුල්ලනේ...