ගී පද
පුන්සඳ පසු පස මුවා වෙලා
රෑ අහසේ මුළු ලොවට හොරා
මගෙ හද මඩලට එළිය අරන්
හීන් සැරේ නුඹ ඇවිදින්
හීන් සැරේ නුඹ ඇවිදින්.....
තරු ගොමු වැල් වල වැතිරීලා
සීතල සුළගේ දිගා වෙලා
මගෙ හද අරණට සුවඳ දෙමින්
හීන් සැරේ නුඹ ඇවිදින්
මටත් හොරා නුඹ ඇවිදින්.....
පුන්සඳ පසු පස මුවා......
සැඩ ගං ඉවුරෙන් එගොඩ වෙලා
තහංචි වැටකොටු පන්නාලා
මගෙ හද මැදුරේ දොරටු ඇරන්
හීන් සැරේ නුඹ ඇවිදින්
මටත් හොරා නුඹ ඇවිදින්.....
පුන්සඳ පසු පස මුවා......