ගී පද
දෙතොල නොකී දේ දෙනෙතේ කියැවෙනවා
වසන් කරන සිත මුහුනේ ලියැවෙනවා
නංගිගෙ පාමුල ඉර හඳ තියලා
ආදර හිත ළඟ කවුරුද මුවා වුනේ
හැඩරුව බලලා කැඩපත වෙහෙසන්නේ
පුංචි හිතේ පොඩි මධුමල් පිපිලාදෝ //
ගෙදර බුදුන් මුව උදානයක් වූ
නංගිගෙ හිත ළඟ කවුරුද මුවා වුනේ
දෙතොල නොකී දේ ....
බාල බොළඳියේ ඉස්සර හුරතල් වූ
කවට සිනා කෙළි සඟවා තැබුවාදෝ //
වසන්තයට පෙර කැකුලට ළං වී
නංගිගෙ හිත ළඟ කවුරුද මුවා වුනේ
දෙතොල නොකී දේ ....