ගී පද
දෙහි මලක් වගේ හැඟේ ඔබත්
සිප ගත්තම සුවඳ නොදැනෙනා
දෙහි මලක් වගේ දැනේ ඔබත්
දුර උන්නම සුවඳ ගෙන එනා //
දුක දෙකට බෙදා එකට විඳිමු කියා ලංවුනා
ඔබ දුරක ගියා මගේ සතුට අරන් වෙන්වුනා
දුර යන්න යන්න ඔබේ සුවඳ තවත් ලංවුනා
දුර යන්න යන්න ඔබේ සුවඳ තවත් ලංවුනා
දෙහි මලක් වගේ ....
ඔබ වෙන්ව ගියත් මගේ වරද කියා රිදවලා
මට අහන් ඉන්න නොහැක තවත් කරන චෝදනා
ඔබ දුරින් ඉන්න ඔබේ සුවඳ විඳිමි තනිවෙලා
ඔබ දුරින් ඉන්න ඔබේ සුවඳ විඳිමි තනිවෙලා