ගී පද
අයියණ්ඩියේ පොඩි දා සිට අප දෙන්නා
එක වහළක් යට වැලි කෙළමින් උන්නා
එක කුස උන් සුවඳින් සෙනෙහස වැඩුණා
කිරි එරුණා සේ නුඹ මා වෙත බැඳුණා
නුඹ පසු බැස්සේ මට ජය ගෙන දෙන්නයි
දර දිය ඇද්දේ මට බත සපයන්නයි
කුසගිනි දැරුවෙ මා කුස පුරවන්නයි
වැරහැලි ඇන්දෙ මට පිරුවට දෙන්නයි
සොයුරන් ඇත ලොව මව්වරු පියවරු වන්
දුක සැප හමුවේ බිතු සිතුවම් රූ මෙන්
පෙම් කවි ගොතනා කිව්වරුනේ සුපසන්
සෙහොයුරු පෙම ගැන තව කවි ගී ලියපන්