ගී පද
ඇය කොණ්ඩේ දිගට දාලා හැම උදේම එනවා
පාට පාට මල් වැටිච්ච සාරි අඳිනවා
පොත් මිටියයි කුඩෙයි අතේ නෑ වරදින්නේ
එයාට අපි ටීචර් කියලයි අමතන්නේ...
අපේ පංතියේ ළමයි එක්ක ඈ හරි යාළුයි
ඈ පාසැල් නාව දාට පංතිය පාළුයි
ගමරාළගේ කතාවටයි අපි හරි ආසා
කවදාවත් පංතියේ නෑ කරන්නේ ඝෝෂා...
සිනා ගෙනෙන කතා තමයි ඈ පවසන්නේ
ආදරයෙන් සැමදා අප හට සලකන්නේ
ඇය අසලම ගැවසෙන්නට අපි හරි ආසයි
මේ පංතිය දමා යන්න අපි හරි ලෝභයි...