ගී පද
බිංදු බිංදු වැහි වැටුණා
නිසරු බිමේ සුදු මල් පිපුණා
ඒ සුවඳ ගලා - ලොව සුවඳ වෙලා
පිණි වැස්ස ඔබයි අම්මේ
අඳුර ඉරා රන් රැස් දහරා
හිමිදිරියේ හිරු කිරණ එලා
ඒ එලිය ගලා - ලොව එළිය වෙලා
හිරු මඩල ඔබයි අම්මේ
සිසිල සලා රළු දෙරණ පුරා
සඳ වතුරින් තුරු ලිය නහවා
ඒ සිසිල ගලා - ලොව සිසිල සදා
සඳ මඩල ඔබයි අම්මේ
බිංදු බිංදු වැහි වැටුණා
නිසරු බිමේ සුදු මල් පිපුණා
ඒ සුවඳ ගලා - ලොව සුවඳ වෙලා
පිණි වැස්ස ඔබයි අම්මේ