ගී පද
අහම්බෙන් විත් මා ළඟ දැවටිලා
සරාගී නෙතු සලා එදා
පැවසුවා රහසක් හොරෙන්
මට ආදරෙයි කියලා
හෙමි හෙමින් හදවත පුරා
ගැයෙනවා පෙම් ගායනා
මේ තරම්ම නෑ කාටවත්
මං ආදරේ කරලා
සෙනෙහසේ සුව මෙදා මා වෙත ගෙනා
ඔබේ දඟකාර ආදරේ
මට සිහිනයක් වෙන්නෙපා
ආදරියේ සිහිනයක් වෙන්නෙපා
සැරිසරා නිල් නෙතු පුරා
පැවසුවා කෝලම් කතා
ඈ නිසා මගේ සිතත් මටත් හොරෙන්
මට අකීකරු වෙලා
වෑහෙනා මල් හිනා
ලා දෙතොල් මත අස සලා
ඔබ මගේ පෙම් කුමරියයි
මා පෙම් රජ දහනේ සදා
සෙනෙහසේ සුව මෙදා....//
(ආදරියේ සිහිනයක් වෙන්නෙපා...//)