ගී පද
ඈත දවසක ගියත් යන්නට
සමු අරන්
දෑස හඩනවා ඔබ දකින්නට
නැති සොවින්
හින සිතුවිලි තාම හිත ඇත
ඔබ නමින්
මාව මතකම නැද්ද බිදුවක්
වත් ඉතින්
ඔයා ගියදා තරැත් නිවුනා
සදත් අහසට වී දුකින්
හිතත් සසලයි රැයම නිසලයි
අපි අපේ හිත් හඩවමින්
මටත් පුදුමයි ඔබමදැයි මේ
යලිත් ඔබ එන්නැ ඉතිං
පෙමත් අරගෙන මටත් නොකියම
ඔබ මගෙන් දුරකට ගිහින්
ඈත දවසක.......
කියා ගන්නට බැරිව ලතවෙන
මගෙ අහිංසක හිත හොරින්
සුසුම් හෙලනව හඩා වැටෙනවා
මතකයේ දොරගලු ඇරන්
රොස නිල්ලෙක දැවටිලා අපි
ඇන්ද පෙම් සිතුවම් මතින්
සිනා සෙන්නට හැකිද දවසක
ආයෙමත් හමු වී ඉතිං
ඈත දවසක......