Lyrics
රුවන් වළා දුහුල් කඩින් පෙරී සදේ රිදී කැළුම්
තුෂාර හාර හා එති ගලා හැලෙනවා
පුතුගෙ සිඟිති දොතොල් වලට සිනා ගෙනෙනවා
සිනා ගෙනෙනවා
අනෝතත්ත නෙළුම් විලේ පාවෙන මල් රේණු වලින්
සුවඳ උරා හෙමින් හෙමින් සුළං ඇදෙනවා
සඳුන් සෙමෙර සලා පුතුට පවන් සලනවා
පවන් සලනවා
අතු අග මල් කුමාරියන් බිඟුමිණි දරල් සැළෙන හඬින්
නිදන පුතුගෙ කනට මිහිරි කතා කියනවා
සිහින ලොවේ ළපටි සිහින සිතේ අඳිනවා
සිතේ අඳිනවා
රාජ ඉසුරු බරට වටින වාසනාව කිරුළු දරන
මාළිගාව එළිය කරන බිළිඳු නිදනවා
සීතනිවන සිහින ලොවට බිළිඳු වඩිනවා
බිළිඳු වඩිනවා