Lyrics
පුතේ කියා තුන්තිස්පැය
හද සනහා පෙමිනේ
මෙතේ සිතින් නුඹ විතරයි
මගේ තනියට හිටියේ
ගතේ රුහිරු හිඟ විය
රස කිරි දී කුසගින්නේ
සතේ සතේ එක්කර
නුවණැස පාදා දුන්නේ
ඇසේ කඳුළකුදු නොතියා
රහසිනි නුඹ හැඬුවේ
බසේ වචන මදි නුඹේ ගුණ
කීමට මට අම්මේ
සෙවනැල්ලත් මා හැරගිය
අවා අන්ධ අඳුරේ
වැලපිල්ලත් අහිමි වුණා
මං වැරදුණ කතරේ
හසරැල්ලක් නො දැකම ආ
මේ දිගුදුර ගමනේ
සැනසිල්ලක් ඉතිරි වුණේ
නුඹේ පපුතුරෙ පමණේ
පෙම්මාදර තෙපුළක් නෑ
දැවටෙන්නේ සවනේ
නිම්මා නැති දුක් ගිනිමයි
ඇවිලෙන්නේ හැමතේ
වැම්මෙයි කඳුළැලි දෑසින්
සාගර දිය කඳ සේ
සාගර දිය කඳ සේ
අම්මේ මා මිය ඇදුණා
නුඹේ මරණය දවසේ
අම්මේ මා මිය ඇදුණා
නුඹේ මරණය දවසේ
***********************************