Lyrics
නිල් නුවන් හස කැලුම්
පවසමින් පෙම් හැඟුම්
ජීවිතයේ යෞවනයේ දකිනා
සුර ලඳුන් සෙනෙහසින්
මගේ පැතුම් සරසමින්
මා දෙනෙතේ මා මනසේ රැඳුනා
හද සැලෙනා රැයේ හිම සිසිලේ
රහසේ අහසේ ඈත ඉමේ
මුතු වරුසා සැලුනා තාම මැවේ
නොබිඳී නොමැකී ඒ මතකේ
සිතු ලෙසින් සැනසෙමින්
නිදහසින් නැලවෙමින්
මගේ දිවියේ ඒ යුගයේ තිබුනා
දහසකින් සුව දසුන්
පහසකින් ලද රසින්
මෝහනයේ සත්සරයේ බැඳුනා
හද සැලෙනා රැයේ හිම සිසිලේ
රහසේ අහසේ ඈත ඉමේ
මුතු වරුසා සැලුනා තාම මැවේ
නොබිඳී නොමැකී ඒ මතකේ ////