Lyrics
දිය බෙරලිය දලු නෙලන්න ගිය දා
වැටුනු අනෝරා මහ වරුසාවේ
කිරිල්ලියක සේ මා උනුසුම් කර
පෑව සෙනේ මට මතකයි කිරි අම්මේ
හේලන්කඩ යට හීතල හෙවනේ
අමල්බිසෝ ගැන කතා කියාදී
ඇඟිලි තුඩින් මගෙ හිස සනසාපන්
නිවන් පුරේ ගිය පෙම්බර කිරි අම්මේ
වැලිපිල්ලෑවෙ නුබේ නමින් තව
ඉද්ද පිපෙනවා හැන්දෑවේ
ගරා වැටී ගියබුලත් පන්ඩලම්
කඳුලු සලනවා සංකාවේ
දිය බෙරලිය දලු .......
වියන් ඇඳේ මා තනිව නිදද්දී
නුබේ සුවඳමයි දැවටෙන්නෙ
අනෝතත්ත විල් තෙරේ හිඳන් නුබ
හිනා වෙයන් මට කිරි අම්මෙ
දිය බෙරලිය දලු .......