Lyrics
දාගැබ් මහා වැව් බැන්දේ නුඹයි පුතේ
සීගිරි ගලේ කවි ලිව්වේ නුඹයි පුතේ
නගුලෙන් එදා රජ කෙරුවේ නුඹයි පුතේ
පැදුරේ මෙදා නිදියන්නේ නුඹයි පුතේ...
අමරස දිව බොජුන් ගිජු කුසයට වළඳා
සිලි සිලි සිනිඳු දිවසළු පිළි හැඳ පළඳා
මහ ජනයාට වැදි බණ කියමින් බොලඳා
සැප විඳි එකා නිරයට නොයතිද මළ දා...
ඉර හඳ අදත් පායනවා හද අරණේ
මගේ රට ණයට කෑවේ නැහැ නොව පොරණේ
හෙළ දරුවන් මේ සිංහල දෙරණේ
ඔවුනට දහඩියයි ලද උත්තම සරණේ...