Lyrics
ඇහිපිල්ලමක් තරම්වත්
තේරුම් අරන් අපි හොඳින්
ජීවත්වෙලා හිටියා නම්
වෙන් වෙන්නෙ නෑ අපි අපෙන්
මේ ගීතේ ඇහෙන මානේ
ඔබ ඇති නම් පාළුවේ
පෙර වාගේ හිත මාගේ
ඔබට තාමත් ආදරේයි
පෑ සෙනෙහෙ මදිවී මාගේ
ඔබ ගියත් සුළඟක් වාගේ
නෑ වෛර කිසිදා කෙරුවේ
මා ඔබ කෙරේ...
දෑස මෙන් දුක සැප දෙකේ
අපි ආදරෙන් සිටි කාලයේ
නෑ කලින් මට වැටහුනේ
හැර යයි කියා ඔබ අත මගේ
දෑස හඬවලා ගියදා ඉඳන්
ඔබ සතුටක් ලැබුව නම්
ලැබුණු දුක රස කරන් විඳවන්නම්
මගෙ හිතට පුළුවන් තරම්
පෑ සෙනෙහෙ මදිවී මාගේ
ඔබ ගියත් සුළඟක් වාගේ
නෑ වෛර කිසිදා කෙරුවේ
මා ඔබ කෙරේ...
නවතමින් හිත රිදුනොතින්
නොසිතුව ලෙසින් ඔබ මතු දිනේ
ඉක්මනින් ඇති තැන ඉඳන්
ඔබ එන්න මේ හිත වෙත මගේ
ඔබව රවටා තිබුණද කියන්
එක මොහොතක්වත් කලින්
එහෙම කල මා දමා
කාටත් හොරෙන් ගියේ ඇයි
නොඑනා ගමන්...
(පෑ සෙනෙහෙ මදිවී මාගේ
ඔබ ගියත් සුළඟක් වාගේ
නෑ වෛර කිසිදා කෙරුවේ
මා ඔබ කෙරේ...//)