ගී පද
යන්නම් මඟහැරලා
තනිවෙන්න ඉඩදෙන්න ඕනා
යළි බෑ එන්න හීනෙන් පවා
අතින්වත් අත නොඅල්ලා
අපි කෝම බැඳුනාද මන්දා
අත අරින්නේම නෑ ඒනිසා
රිදි රිදී සනහනා ආදරේ
මැරි මැරී ඉපදෙනා ජීවිතේ ...//
ළග ඉන්නවා කියා
දුර යන්න ඔබ ගියා
සඳ එළිය දෝ ආදරේ
මගෙ හීන රැවටිලා
ඇගෙ හීන එළවෙලා
යළි මල් පිපේවා ජීවිතේ
රිදි රිදී සනහනා ආදරේ
මැරි මැරී ඉපදෙනා ජීවිතේ ...//
සංසාර ආදරේ රහසේම මියැදුණා
ඔබ මාව සිපගත් ඒ වෙලේ
අවසන් කවත් ලියා
සුසුමන් අරන් ගියා
රිදි රිදී සනහනා ආදරේ
මැරි මැරී ඉපදෙනා ජීවිතේ ...//
පද - අභිෂේකා විමලවීර
තනුව - දිලුම් තේජන හෙට්ටිආරච්චි