ගී පද
විල්ලුද පුංචි දෙපා
කළු කර ගන්න එපා
අව්වට යන්න එපා දාවලේ
අව ලස්සන වේවි සිරියාවී
මට රිදවන්න එපා මග හැර යන්න එපා
තරහා වෙන්න එපා මේ වගේ
අනුකම්පා නැතිදෝ සිරියාවේ
මේ හැටි ආඩම්බරදෝ....
පූරුවේ පිනෙන් ලැබූ මගේ දේවි......
උදයට පින්න වගේ සයුරට රැල්ල වගේ
ඉන්නේ මන් නේදෝ සීදේවි
හිත වාවන්නේ නැතේ දිවි නහගන්න හිතෙයි
ඩිංගක් හිනැහෙන්කෝ සීදේවි
සරදම් චාටු පපා මට කීවාට ගොතා
ආයෙත් රැවටෙන්නේ නෑ
මායම් අරුමෝසම් වරදීවි.....
විල්ලුද පුංචි දෙපා කළු කර ගන්න එපා
අව්වට යන්න එපා දාවලේ
අව ලස්සන වේවි සිරියාවී
බොරු පිරිමින්ගේ උපා
මට පෙන්නන්න එපා
පස්සෙන් එන්න එපා මේ වගේ....
දකිනා කව්රුන් හෝ හිනැහේවි
ගිනියම් අව්ව වැටි හැඩ රුව යාවි මැකී
මගේ හිත ඒ හින්දා වැලපේවී...
සිරිපොද බින්දු වගේ දෝතට එන්න මගේ
මේ හිත ආදරයෙන් හිනැහේවි
පියුමට සුවද වගේ සුවදට පියුම වගේ
සිතුවිලි අපි දෙන්නාගේ
දවසක් මන් ලෝකේ රජ වේවි......
විල්ලුද පුංචි දෙපා
කළු කර ගන්න එපා
අව්වට යන්න එපා දාවලේ
අව ලස්සන වේවි සිරියාවී
අව්වට යන්න නැතෙයි
හිත රිදවන්න නැතෙයි
තරහා වෙන්නේ නැතෙයි මා ප්රියේ....
මා හිත ආදරයෙන් හිනැහේවි
මේ හැටි ආඩම්බරදෝ.....
පූරුවේ පිනෙන් ලැබූ මගේ දේවි.......