ගී පද
වෙරළේ මුහුදු වැල්ලේ - කන්දේ ඈත නිල්ලේ
පොඩි ළමයි අතින් අත අල්ලා දුවන්නා
ළමයි රංචු අතරින් ඉන්නා පුංචි ළමයා
ඒ මමයි කියා ඉබේ මටත් හිතෙන්නා
හැඩ වැඩදා ඇවිදිනවා
පොඩි කාලේ මං වාගේ
එහේ මෙහේ දුවන්නේ - එයා හරිම දඟයිනේ
දාංගලේ මං පොඩිදා වගෙයිනේ
කහට බිංදු වැටීලා - කමිස පොඩිය ඉරීලා
ගන්ච්චියක් ඒත් හිතට නොගන්නේ
හැඩ වැඩදා ඇවිදිනවා
පොඩි කාලේ මං වාගේ
මගේ වගේ පුංචි දා - තෙල් ගා හිස පීරලා
ඒත් ආයෙ කොණ්ඩෙ අවුල් වෙලානේ
ළමා ළපටි කල්ලියේ - මා වගේම මල්ලියේ
ඔයා මමයි මට තාමත් හිතෙන්නේ
හැඩ වැඩදා ඇවිදිනවා
පොඩි කාලේ මං වාගේ