ගී පද
සිහිනේ රැඳුනා නුඹ කිරුළ පැළඳු දිනේ
හදෙහි ඇඳුනා දිරි දුන්නු සිනහා නුඹේ
සසඳන්න ලෝකේ දන්න වීරයෝ නැති තරම්
නුඹ දන්නේ නෑ අප හදේ ඉඩ ඇති තරම්......
පිතිකරුවා නුඹයි පිටියේ තේජමාන මවනා
සොහොයුරා නුඹයි අපගේ හිතවත්කම් බෝමා
පෙම්වතෙක් නුඹත් දිවියේ ආදරේ ලොවට පානා
වීරයා නුඹයි අප හදවතේ ඉන්නා.....
හැබැහින් දිලුනා රන් තරුව වී අහසේ
නිසැකින් සුරැකී නුඹ මව් බිමේ නාමේ
පිනකින්ද ලැබුණේ නුඹ වාගේ මිනිසෙක් රටේ
නිම වෙන්න නොව රැඳුනේ ඔබ අප හදවතේ.....
පිතිකරුවා නුඹයි......
නොමැකෙනා ලෙසට අප හිතේ ඉහළින්ම රජ වෙන්නා
වීරයා නුඹයි අප හදවතේ ඉන්නා.....