ගී පද
වැස්සට ඉඩ ඇතත් අහස් කුස දස අතට
හිරුට එපමණ කුමට පුංචි පෙදෙසක් ඇතිය
සිනා සී සිනා සී දොතොල් ඉරි තැලෙද්දී
හඬන්නට මිසක වෙන කුමට ද නෙතු අපට
පුංචි කුහුඹුවන්ටත් තියේ උන් සෙවනැල්ල
බිඳී ගිය මුත් බඳුන් අතින් දිය බොනු හැකිය
ඔබට මා - මටද ඔබ හමු වුනෝතින්
සිනාසෙමු අතීතෙට යම් දිනක අප දෙදන
සයුර ගොඩ එන තුරා කඳු මුදුන් ඇත උසට
ගලන ගඟ නැවැත් වූ සැනින් ගම යට නොවෙද
ඔබට මා - මටද ඔබ හමු වුනෝතින්
සිනාසෙමු අතීතෙට යම් දිනක අප දෙදන