ගී පද
වළාවේ වැහි වළාවේ .... වැහි වළාවේ
හිරුත් බියවී සැඟවිලා මේ සැඳැවේ
සේවය නිමාවී වඩින සොඳුරිය
වැසි දියෙන් නැහැවෙයි
පමාවී තව පමාවී තව පමාවී
ඔබ එන්න වැහි වළාවේ....
උදේ සිට මවු කිරි බිඳක් සොයනා
බිළිඳු පුතුගේ සිඟිති මුව මැලවෙයි
අකල් වැස්සට තෙමී නැහැවී
මගේ සොඳුරිය ගිලන් වෙයි
පමාවී තව පමාවී තව පමාවී
ඔබ එන්න වැහි වළාවේ....
ඈත පිටිසර ගම්දනව් වල
රුදුරු නියඟය ඇවිලිලා
සියලු කෙත්වතු අළුවෙලා
වැහි බිඳුවකට හඬනා මිනිසුන් සොයනා
එහි යන්න වැහි වළාවේ....
වළාවේ වැහි වළාවේ .... වැහි වළාවේ
පමාවී තව පමාවී තව පමාවී
ඔබ එන්න වැහි වළාවේ....