ගී පද
විදුලිය එළිය දැක ගිනි හුළ දියේ හෙළා
මඟ වැරදිලා දිවූවේ මං මුළා වෙලා
පැනයන මුවන් ළඟ හැලුණයි නෙළූ පලා
දොර ඇරපන් අම්මේ මට සමාවෙලා
කස්තුරි කපුරු කෑ තරමට එපා උනී
තිත්තයි අනේ තිත්තයි මී වදේ පැනී
ඇස් රතු කළ කොළොප්පමකට හිනා උනී
මහමෙර වගේ නුඹ නොදොඩා බලා උනී
විදුලිය එළිය දැක ගිනි හුළ දියේ හෙළා
මඟ වැරදිලා දිවූවේ මං මුළා වෙලා
පැනයන මුවන් ළඟ හැලුණයි නෙළූ පලා
දොර ඇරපන් අම්මේ මට සමාවෙලා
මෝල් ගසත් ඇවිලුණි කරුම ගින්නට
උණුසුම මදි වුණා ඔය පැලෙ ඉන්නට
ආගිය මාවතක් හෙම නෑ පෙනෙන්නට
අම්මේ දොර අරින් නුඹෙ පොඩි හිඟන්නිට
විදුලිය එළිය දැක ගිනි හුළ දියේ හෙළා
මඟ වැරදිලා දිවූවේ මං මුළා වෙලා
පැනයන මුවන් ළඟ හැලුණයි නෙළූ පලා
දොර ඇරපන් අම්මේ මට සමාවෙලා