ගී පද
තව ටික කාලෙකින් මම මියැදේවි පුතේ
මාව ගිහින් දාන්නෙපා වැඩිහිටි නිවසේ
කොලොම්පුරේ නුඹේ ගෙදර පහල කාමරේ
මාව තියා ගන්න බැරිද රත්තරන් පුතේ
ලොකු දුවගේ ගෙදරටවී හිටියා බොහො කල්
එහෙ ඉන්නා හැම දෙනාට මාව ලොකු බරක්
මැරෙන්න මොහොතකට කලින් උඹේ ළඟ ටිකක්
තියා ගන්න පුලුවන්නම් පුතේ ලොකු පිනක්
තව ටික කාලෙකින් මම....
අපි ඔක්කොම එකට හිටිය කාලෙ මතකද
මං කැවුවම විතරයි පුතු කෑවේ බත් ටික
සංකාව වගෙයි පුතේ ඔයා නොදැක්කම
ගමට එන්න පුතාගෙ සුදු මූන බලන්න
තව ටික කාලෙකින් මම....