ගී පද
සිකුරු තරුව රැයේ
අඳුර මකන අඟේ
සඳට අහස හිමිවන පෝදා
ලොව හඳටම නතු වෙනවා
තරුවද අමතක වෙනවා..
අහස හිමි තුරු මුදුනේ මල් හිනැහෙනවා
නොපැතු සැනේ පෙති ඉහිරී බිමට වැටෙනවා
අහසට පිපිමල් සේ පොළවට පරමල් හිමිවේ
පිපිමල් පරමල් වෙනවා ඒ මල් දුක සඟවනවා..
සිකුරු තරුව රැයේ...
සඳළුතලේ සඳ විලසේ ඔබ හිනැහෙනවා
දිලිඳු මගේ හද අරණේ එළිය නිවෙනවා
ඔබනෙත් සඳ පහනේ සදළුතලේ සඳ සැඟවේ
ඔබ යලි සඳවත වෙනවා මිහිරිව ඔබ රිදවනවා..
සිකුරු තරුව රැයේ...