ගී පද
සප්ත සයුරෙන් එහා දේශ දේශාන්තරේ
සිරිලක් සළු පිළියෙන් පිදු මව්බිම ධන නිධාන බදු
සියල් සිරිලක පරසිදු සළු වියනා කුමාරි //
අම්මා බඳු පෙම්මාදර සම්මා ගුණ පරිපුන්
එම සන්නාලිය නංඟා දෙස නොබලන් වපරැසකින්
කම්හල තුළ පවර විපුල් හුරු දෑතින් කොමළ නිමල්
කර මෙහෙවර සොඳ මනකල් ඉසුරු ගෙනේ එතෙරින් දුල් //
දෙන්නී ඇය මව් භූමිය රක්නා රන් මසුරන්
එම සන්නාලිය නංඟා දෙස නොබලන් වපරැසකින්
කැලුම් උදුල යෞවනයේ සිරිත් දහම් රැක පිරියේ
සළු වියනා රැජිණ දැයේ හිඳුවමි සිංහාසනයේ //
නන්දා ආනන්දා කරවන්නා ලංකා බිම්
එම සන්නාලිය නංඟා දෙස නොබලන් වපරැසකින්
සප්ත සයුරෙන් .......
අම්මා බඳු ..........