ගී පද
සන්නාලියනේ සන්නාලියනේ
මේ හිමිදිරි උදයේ
සන්තෝසෙන් ඔබ හිනැහී හිනැහී
(කාටද ඇඳුම වියන්නේ....//)
මාලගිරා තටු සේම රුවින් යුතු
නිල්වන් ඇඳුම වියන්නේ
කාටද ඇඳුම වියන්නේ....
මාලගිරා තටු සේම රුවින් යුතු
නිල්වන් ඇදුම වියන්නේ
ඊයේ ඉපදුනු කුලුදුල් දූටයි
මේ පොඩි ඇඳුම වියන්නේ....
සන්නාලියනේ සන්නාලියනේ
මේ හැන්දෑ යාමේ
හැඩ වැඩ දමලා ලස්සන කරලා
(කාටද ඇඳුම වියන්නේ....//)
සැන්දෑ අහසේ රන්වන් පාටින්
දිලිසෙන ඇඳුම වියන්නේ
කාටද ඇඳුම වියන්නේ....
සැන්දෑ අහසේ රන්වන් පාටින්
දිලිසෙන ඇඳුම වියන්නේ
ගේ කුලුඳුල් දූ දීගෙට දෙන්නයි
මංගල ඇඳුම වියන්නේ....
සන්නාලියනේ සන්නාලියනේ
සීතල හඳ එළියේ
මැලවුණු මුහුණින් වෙවුලන දෑතින්
කාටද සළුව වියන්නේ සීතල සළුව වියන්නේ
කණ කොක් තටුවේ සුදුමැලි පාටින්
සීතල සළුව වියන්නේ
කාටද සළුව වියන්නේ
කණ කොක් තටුවේ සුදුමැලි පාටින්
සීතල සළුව වියන්නේ මියගිය ඇයගේ
මිනිය වහන්නයි සීතල සළුව වියන්නේ.....