ගී පද
උන්මාදේ වසන්තයේ බඹර රැඟුම්
පාවීලා දිගන්තයේ සුවඳ කුසුම්
ඉමක් කොනක් නෑ අනන්තයක් නෑ
පාරාදීසේ මැවෙනා සිතුම් පැතුම්
සඳක් නැතත් අහසේ තනි තරුවෙන් දිලෙනා
එළිය අරන් රහසේ මිලින මලට පිපෙනා
මුලා නොවන් මිතුරේ හිතට කලින් එබෙනා
නුහුරු හීන අතරේ ගිම්හානේ දකිනා
නෙතින් නෙතට නොදොඩා පෙම් රහසින් කී
තොලින් තොලඟ ගැයෙනා ගීයකින් නොකී
අගක් මුලක් නෑ පරක් තෙරක් නෑ
තුරුනු හිතේ විඳිනා රැඟුම් ගැයුම්
සඳක් නැතත් අහසේ තනි....//
මුලා නොවන් මිතුරේ හිතට කලින් එබෙනා
නුහුරු හීන අතරේ ගිම්හානේ දකිනා...