ගී පද
සමුගන්නට නම් දුර යන්නට නම් ඔය ආදරේ පෙන්නාලා
මේ කඳුළු අරන් වෙන් වෙන්නම් මං තනිහිත මගේ හිර කරලා
මට දැනෙන තරම් මං පිදුව තරම් නුඹ නෑ මට පෙම් කරලා
නෑ හීනෙන්වත් ළං වෙන්නේ මං යළි එන්නෙපා සොයාලා
සමුගන්නට නම්......
ආදරේ හැඟුම් ගුවනකට තරම් සුසුමන් සේ හැරදමලා
පාවෙලා පවන් හමුවුණොත් නම් වටහාදෙයි මුමුණාලා
වේදනා දරා කම්මුල් පීරා ගලනා කඳුළැල් පිසලා
මුළු ලොවට හොරෙන් සමුගන්නම් මං
නුඹ මට හිමි නැහැ කියලා.......
සමුගන්නට නම්.......
මල් පොකුරු පුරා ආදරේ ලියලා එ් සුව නුඹ හට පිදුවා
පෙති තලා දමා මල් ගෙල සිඳලා නුඹ ගියේ සුවඳ තියාලා
ඇයි රත්තරනේ මට පිටුපෑවේ කිම ආදරේ නොදැනෙන්නේ
නුඹ දුන්නු තරම් මේ දුක මනරම් නෑ මා හැරදා යන්නේ......
සමුගන්නට නම්.......