ගී පද
(රාමාට මා සැකයි රාවණා....//)
ගිනි සෑයේ අභියස මා දැවේවි රාවණා
සෑයටත් ඉහළින් නැගේ හදේහි ගිනි බුර බුරා
හඬමි මම රාවණා රාවණා
රාමාට මා සැකයි රාවණා
නැගෙන ගිනි දළු මතින් මාව යයිදෝ ස්නේහයේ
සත් පතිනි විලාපයෙන් සත් සයුරු තරණය කරයි.......
නුඹේ තුඟු දසුනෙන් මහඟු මනු ගුණයෙන්
නොසැලෙන්න මගේ සිත සිර කළා
නුඹේ දඟ දසුනෙන් මගේ සිත සිර කළා
මහඟු මනු ගුණයෙන් මගේ සිත සිර කළා
නොසැලෙන්න මගේ සිත සිර කළා........
(හුදෙකලා වදුලේ අඳුරු සීතල තුරුලේ
මා අසල කළේ නුඹ භාවනා.....//)
රාමාට මා සැකයි රාවණා
හඬමි මම රාවණා දශාණන් රාවණා
ගිනි සෑයේ අභියස මා දැවේවි රාවණා
සෑයටත් ඉහළින් නැගේ හදේහි ගිනි බුර බුරා
(රාමාට මා සැකයි රාවණා.....//)