ගී පද
කෙළි සෙල්ලම් අවුරුද්දට හිඟ නොවෙති
ලොකු පොඩි රබන් ගෙයි මුල්ලෙන් පිලට එති
අළුත් ඇඳුම් ඇඳ සැමදෙන සතුටු වෙති
සුදු පරවියෝ හිනැහී මේ හැම දකිති........
(රබන් රබන් රබන් සුරල් ගසතෙයි
රබන් හඬින් අහස ගිගුම් කරතෙයි.....//)
බාල තරුණ වැඩිහිටියෝ තාල රටා වයතෙයි
ගීත ගයා නටතෙයි
අලංකාර අළුත් ඇඳුම් නැවුම් සුවඳ හමතෙයි
දෙඅත් පදය ගසතෙයි.......
රබන් රබන්.......//
ආලවන්ත පෙම්බරයෝ ආල හැඟුම් මවතෙයි
ඔමරි පපා රඟතෙයි
පංචි පෙතේ පුංචි ළමයි පෙළට කවඩි දමතෙයි
ජය පැරදුම ලබතෙයි.......
රබන් රබන්.......//