ගී පද
රුවන් පැහැති සඳ කිරණ වැටී
සෙවණැලිත් නැති රූ හඬ කිසිත් නැති
රැයක් ගැන මා කියන්නට සිත් වු
පුංචි කතාවක් තවම රිදුම් දෙයි
සිතේ කොනක සිර වූ.....
ගගන කොන ඇති එක ඉසව්වක
වටපිට ද නොබලා විඩාබර වී
නිවී දැල්වී බලා සිටියා
පුංචි තරු කැට අසන්නට
රස කතාවක සිරි වෙන කිසිත් නොඅසා.....
රුවන් පැහැති.....
ගෙතුණු පදවැල් ලියන විට කව්
හද දුරින් මිදිලා හීන පිබිදී
හිතේ ගුලි වී කතා ගෙතුණා
පුංචි සඳවත ඒ වුණත් නැත
මටත් නොකියා වසන්තය ගෙවුණා.....
රුවන් පැහැති......