ගී පද
ප් රේම තටාකේ මේකයි මැණිකේ
ආදර රැල්ලයි අර දිව යන්නේ
අබිමන් අබිමන් කියල යි මැණිකේ
මේ රැළි මේ වැව් ඉවුරෙ වදින්නේ
මගෙ පෙම් කෝකිලයෝ ඔබෙ ගීයේ
තාලෙට නොවැ දිය සුළි කැරකෙන්නේ
පියුමට පියුමක් හැපෙනව දැකලයි
හංස පැටවු මේ හැටි දඟලන්නේ
චම්පා චම්පා කියල යි මැණිකේ
ඕලු මලේ අර පෙති නැටැවෙන්නේ
ඔබෙ ඉඟ මෙවුලේ මිණි කැට දැකල යි
මාළු පැටවු මේ දිවගෙන එන්නේ.....
හිමියෙනි ඔබගේ පුළුලු'රතලයෙහි
වැව් ඉවුරෙහි නැත වෙනස පෙනෙන්නේ...
මගෙ පෙම් දහරයි සීතල ජලයයි
එක විදිහට නොවැ පිරී තිබෙන්නේ...
අනාගතේ මෙහි පෙම් රස විඳිනා
හදවත් වලට යි රසය දැනෙන්නේ....
ඒක යි මැණිකේ මේ වැව දකිනා
කොයි මොහොතෙත් මට සුවය දැනෙන්නේ
ප් රේම තටාකේ.........