ගී පද
පියඹලා යන්න ආකහේ
හැඟුමක තටු සැලුණා
නොම කියා උන්නු ආදරේ
පපුවට බර දැනුනා....
තුරුළු වෙන්නද මොහොතක උමතු වෙලා
සුසුමක උණුසුම දැනෙන තුරා
කඳුළැලි ළය මත ගලන තුරා
සියොළඟ ඔබ ළඟ නිවෙන තුරා.......
තරු පාට දේවී නීල අහස පුරා
මල් රේණු පාවි පාවි සුවඳ සලා
දෙනෙතට දෑස යාවෙලා
හසරැලි සේද වෑහිලා
ඔබ හාදු දේවී මේ කොපුල පුරා
ගොළු වෙලා ඉන්නවා ඔහේ
පපුවට තුරුළු වෙලා
හිත පුරා තියෙන ආදරේ
ඔබටම දැනෙන තුරා...
තුරුළු වෙන්නද මොහොතක උමතු වෙලා
සුසුමක උණුසුම දැනෙන තුරා
කඳුළැලි ළය මත ගලන තුරා
සියොළඟ ඔබ ළඟ නිවෙන තුරා....
කඳු යායේ ගෑවි ගෑවි සිනිදු වලා
කොඳුරාවි ආදරේට කියන කතා
පවසන කෝල ඒ කතා
අකුරට පේළි තෝරලා
ගලපා කියන්නේ මේ හැඟුම ලිහා...
ගොළු වෙලා ඉන්නවා ඔහේ
පපුවට තුරුළු වෙලා
හිත පුරා තියෙන ආදරේ
ඔබටම දැනෙන තුරා....
තුරුළු වෙන්නද මොහොතක උමතු වෙලා
සුසුමක උණුසුම දැනෙන තුරා
කඳුළැලි ළය මත ගලන තුරා
සියොළඟ ඔබ ළඟ නිවෙන තුරා ....