ගී පද
පිපි මල් ගොමුවේ ඝන වන වදුලේ
තුරුලිය රැල්ලක් සේ
දැවටි සිත් සේ දවසෙම තිස්සේ
අපි විතරයි උන්නනේ
අත්වැල් පටලා මල් දම් පළඳා
මං මාවත් ඔස්සේ
පෙම් බස් තෙපලා ඈතට ඇදුනා
කවුරුත් නෑ දැක්කේ
අපි විතරයි උන්නේ//
පෙම් බස් තෙපලා ඈතට ඇදුනා
කවුරුත් නෑ දැක්කේ
සාගර ජලයේ සැඩ රළ රැල්ලේ
සීතල පිණි වැස්සේ
සතුටම ඉතිරේ සිනහව අතරේ
ආදරයයි මිමිණෙන්නේ
අපි විතරයි උන්නේ//
පෙම් බස් තෙපලා ඈතට ඇදුනා
කවුරුත් නෑ දැක්කේ
තුන්යම දකිනා මේ පෙම් සිහිනේ
කවදාද සැබෑ වෙන්නේ
අතරමං වෙන්න ඒ සුභ සිහිනේ
කවදාද දවස එන්නේ///