ගී පද
තේරෙනා දවසක මේ ආදරේ ගැන
දොස් නගයි ඔබ හට ඔබගේම ඔය හිත
පාරනා මතකය මුළු ජීවිතේටම
නැවතුනත් මා ළඟ අපගේ නොවේ අප
හිමි වුනත් මට නැතත් හිත වෙනතක් සෙව්වේ නෑ
තනි වුනත් මතුවටත් එය වෙනසක් වෙන්නේ නෑ
(පණට නමක් දෙනවා නම් ඒ ඔබමයි දිවුරන්නම්
පෙමට නැතත් නැවතීමක් තීරණේ ඔබේ පිළිගන්නම්...//)
යන්න ඕනේම නම් දුර මා කෙරෙන්
නොවේ කවදාකවත් බාධා මගෙන්
මොනව ලැබගන්ද මං නවතා බලෙන්
පැතුවෙ ප්රේමයම නම් මෙතුවක් ඔබෙන්
හිමි වුනත් මට නැතත් හිත වෙනතක් සෙව්වේ නෑ
තනි වුනත් මතුවටත් එය වෙනසක් වෙන්නේ නෑ
පණට නමක් දෙනවා නම්...//
සඟවගත්තට රිදුම් පිට ලෝකයෙන්
කොහොම සඟවනුද මං අපි ගැන ලොවෙන්
ඔබට අවසන් වුනත් වචනෙන් දෙකෙන්
අතැරලනු කොයි ලෙසින් ඔබ මේ හිතෙන්
හිමි වුනත් මට නැතත් හිත වෙනතක් සෙව්වේ නෑ
තනි වුනත් මතුවටත් එය වෙනසක් වෙන්නේ නෑ
පණට නමක් දෙනවා නම්...//