ගී පද
පමා නොවී සමාව දී
සොයා තියාගත් හැම සේරමත් පිදූ
ජීවිතයේ බැරි අමාරුකම්
කොයි කාටවත් නොපෙන්වූ
තාත්තේ මං ඔබගේ එකම පුතු
හැමදාමත් ඔබ
සිතින් පැතු හොඳම පුතු
තාත්තේ මං ඔබගේ එකම පුතු
හොඳම පුතු...
හමා ඇදී ගිය සුසුම් කුණාටු
මායිම් කොට නොතැකු
හිමාලය වගේ නොසැලී ළඟ හිටපු
හුමාලය පවා සුවඳයි ඔබෙන් හැමූ
මගේ එකම විරුවා මා මේ ලොවේ දුටු
තාත්තේ ඔබයි
මං ඒ ඔබේ පුතු...
නිමා නැති ආදරයේ තරමට
තුන්සිත මත ඇහිරූ
තමා ගැනද නොසිතා අප ගැනම සිතු
නිමා නෑ ඔබේ පිරිමිකමින් පිරුණු
සිහිපත් කරන්න අද ඇත්තේ කඳුළු
තාත්තේ ඔබේ
මං ඔබ වගේ පුතු//