ගී පද
ඔයාට සීතලද හිම වැටෙනවද සිංහල අමතකද
නිදිමත නෑ වගෙද කෑම අමුතුයිද මාවත් අමතකද.....
ලංකාවට ආවම අත් දෙක අල්ලන් යමු අපි ට්රින්කොමලී
ඇති වෙනකම් ඔයාට හදලා දෙන්නම් කන්නට සැර ජාති
යාල ට ගිහිල්ල තුරුලු වෙලා අපි බලමුද කැලේ අලි
ගිනි රස්නෙට ඔයාට ඉන්නම බැරිනම් යමු අපි නුවරඑළි.....
ඔයාට පාලුයිද තනිකම දැනෙනවද මාව නැතුවම බෑ වගෙද
එන්නට හිතෙනවද ආයෙත් බෑ වගෙද කට්ට කාගෙන ඉන්නවද.....
ලංකාවට ආවම.....
හිත වැනෙනවද එක තැන නෑ වගෙද ලස්සන කොල්ලෝ ඉන්නවද
ඉන්නේ තනියෙන්ද කවුරුත් නෑ නේද තාම වෙනසක් නෑ නේද.....
පිටරට ගියාට මටනම් ඔයාව අමතක වුනෙනම් නෑ
ඇල් වතුරත් මම නිවලා මිසක් නම් කිසිදින බිව්වේ නෑ
ෆේස්බුක් එකේ කෙල්ලොත් එක්කලා මම නම් චැට් කලෙ නෑ
අනෙ ඇහැක් ඇරලා මම කෙල්ලෝ දිහා නම් කිසිදින බැලුවේ නෑ.....
ලංකාවට ආවම අත් දෙක අල්ලන් යමු අපි ට්රින්කොමලී
ඇති වෙනකම් ඔයාට හදලා දෙන්නම් කන්නට කොත්තු රොටී
යාල ට ගිහිල්ල තුරුලු වෙලා අපි බලමුද කැලේ අලි
ගිනි රස්නෙට ඔයාට ඉන්නම බැරිනම් යමු අපි නුවරඑළි.....